OP-ED: Wit ouer, jy doen jou kind ’n onreg aan

‘Wit ouer, jy doen jou kind ’n onreg aan’ | Netwerk24

a0ad45f3b3de4c7f8947d9a0ccd1535a.jpeg

Ons gesin woon in Pretoria, daardie pragtige stad met die pers blommetjies en warm somers. Dit is ook ’n warm stad met betrekking tot die mense wat daar woon – lekker plesierige mense wat graag groet op straat.

Maar daar is ’n koue kant aan ons politieke hoofstad.

Die rasseborrel

Baie kinders van Pretoria word groot in ’n rasseborrel. Sedert ons oudste laerskool toe is, het dit vir ons meer en meer duidelik geword presies hoe afgesonderd die rassegroepe van Pretoria werklik is. Ons wou ons kind natuurlik in ’n “goeie” skool plaas, en ’n “bekostigbare” een daarby. Die rassesamestelling van die skool het geensins in ons verwysingsraamwerk na vore gekom as kriteria nie. Maar nou word dit ’n bekommernis. Die skool is te wit! Hier volg die rede:

Ons maak ons kinders groot in ’n klein land aan die voet van Afrika. Hierdie is ’n kontinent, histories, van bruin en ook swart mense. Natuurlik voel Suid-Afrikaanse wit mense ná dekades van setlaar speel ook tuis. Ons verwys na die rooi grond onder ons wit voete as ons land en ons kyk met heimwee na die Hoëveld se doringbome tussen die ligbruin gras. Dis darem lekker hier in ons songebakte Afrikaland.

Daar is net een klein probleem met hierdie prentjie – dit is ’n eensydige illusie. ’n Historiese droom wat ontaard het in ’n apartheidsnagmerrie, en nou sukkel ons ou groepie so ’n bietjie om daaruit te ontwaak.

My kind se skool is te wit, want die werklikheid is, hy is lid van ’n minderheidsgroep in ’n grotendeels “swart” land. Ja, ons het aanbeweeg van die apartheidskwessie, maar het ons daadwerklik aanbeweeg van die rassekwessie, of kruip ons skelmpies agter ons palissade van wit voorregte weg?

Die voorspoedborrel

Die tweede borrel waarin ons skyn vertoef is dié van voorspoed en klasseverdeeldheid. Nee, ek is geensins ’n kommunis nie en aanvaar elke samelewing het sy uitblinkers. Maar daar is ’n groot verskil tussen vooruitgang en materiële blinkers waarmee ’n mens jouself mag dom hou oor die ellende van ander. Nie alleen is my kind se skool te wit nie, daar is beslis iets nie pluis nie as die maandelikse snoepiegeld draai by dieselfde bedrag waarmee ons huishulp haar kinders moet voed.

Die probleem is nie dat ons te veel genietinge het nie. Die probleem is dat ons onkunde van hoe min ander het waarskynlik die grootste bedreiging vir ons voortbestaan inhou.

As ouers het ons ’n verantwoordelikheid om die borrel vir ons kinders te bars.

Die borrel bars

Wanneer ons nuus kyk en sien hoe studente in opstand kom en met rooi barette mobiliseer, ontstaan baie gevoelens by ons. Natuurlik wil elke ouer sy kinders se toekoms verseker en hoop op ’n vreedsame voortbestaan in die land van hul geboorte. Die onsekerhede van ekonomiese verval, geweldsmisdaad en rassespanning rus swaar op elke ouer se gemoed. So, wat sal ons dan maak? As ouers het ons ’n verantwoordelikheid om die borrel vir ons kinders te bars. As my kind enigsins ’n kans gaan hê om in dié land te leef en te presteer, dan is een van die belangrikste toerustingstukke wat ons as ouers hom kan gee meegevoel met die res van die mense van hierdie land. Ek weet hy gaan op skool hoor wat jy dink van swart mense. Jou kind gaan hom vertel net soos jy my vertel.

As ons ons kinders kan leer om nie neer te kyk op arm mense nie en dalk selfs ’n helpende hand uit te steek, kan ons nie dieselfde doen met swart mense nie?

Wit ouer, as jy jou kind in ’n borrel van rasse-afsondering grootmaak, doen jy jou kind ’n onreg aan.

  • Oosthuizen is ’n fakulteitslid aan die Gordon-instituut vir sakewetenskap.
Marius Oosthuizen
Programme Coordinator
Gordon Institute of Business Science

Main Tel: +27 11 771 4000
Direct Tel: +27 11 771 4378
Fax:
E-mail: oosthuizenm@gibs.co.za
Web: www.gibs.co.za

Founded in 2000, the University of Pretoria’s Gordon Institute of Business Science (GIBS) is an internationally accredited business school, based in Johannesburg, South Africa’s economic hub. As the business school for business, we focus on general management in dynamic markets to significantly improve responsible individual and organisational performance, primarily in the South African environment and increasingly in our broader African environment, through the provision of high quality business and management education. In May 2015 the annual UK Financial Times Executive Education rankings, a global benchmark for providers of executive education, once again ranked GIBS as the top South African and African business school. This is the 12th year running that GIBS has been ranked among the top business schools worldwide. In October 2015 the GIBS MBA was ranked among the top 100 business schools globally in the prestigious Financial Times Executive MBA Rankings. Ranked in 87th position, GIBS is the only business school in Africa to appear in this ranking.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s